ग्रामपंचायत एरंडगाव अंर्तगत मौजे एरंडगाव, वाकपूर व दादापूर या तीन गावाचा समावेश असुन हि तीनही गावे रायघोळ नदीच्या काठावर वसलेली आहे. अमरावती हे जिल्हाचे ठिकाण गावापासून ३० कि.मी. तर तालुक्याचे ठिकाण नांदगाव खंडेश्वर हे गावाजवळून १५ कि.मी. अंतरावर आहे.गावात ST महामंडळाची बसेस दिवसातून ३ वेळा येत असुन सर्व विद्यार्थी व जेष्ठ नागरिक यांना बस सेवेचा लाभ होतो. ३ कि.मी. अंतरावर मांजरी म्हसला येथे गावाची सर्कल राष्ट्रीयकृत बँक ऑफ बडोदा तसेच गावात मिनी बँक सेवा आहे. गावापासून मालखेड रेल्वे स्टेशन ६ कि.मी. टीमटाळा रेल्वे स्टेशन ९ कि.मी. व तसेच महत्वाचे म्हणजेच बडनेरा जंक्शन रेल्वे स्टेशन १८ कि.मी उपलब्ध आहे.

गावात पुरातन राजवाडा एक शोभनीय वास्तू आहे. तसेच गावात श्री. संत बिहारीलाल महाराज योगी संत होऊन गेले आहे त्याचे गावात मंदिर व सभागृह आहे. गावाबाहेरील नदीच्या काठी लोकसहभागातून शंभूशेष व महादेवाचे मंदिर आहे. गावात शेती सदन झाली असुन संत्रा, कापूस, सोयाबीन, तूर, चना हे मुख्य पिके घेतली जातात. त्यामुळे येथील लोकांचा आर्थिक स्थर सर्वसाधारण विकसित झालेला दिसतो.

एरंडगाव ग्रामपंचायतची स्थापना सन १९५८ या वर्षी झाली. २०११ च्या जनगणने नुसार गावाची लोकसंख्या १३९८ होती त्यांत स्त्रीया ६९७ पुरुष ७०१ इतके आहे गावात जिल्हा परिषद शाळा २ आहे . एरंडगाव गाव प्रथम अंगणवाडी स्थापना १९६० झाली असुन सद्या गावात २ अंगणवाडी केंद्र आहे. गावात महात्मा गांधी तंटामुक्त पुरस्कार असे अनेक पुरस्कार गावाला मिळालेले आहे शैक्षणिक व आर्थिक प्रगती बरोबरच व्यक्तीच्या शाररीक, मानसिक, बौद्धिक गुणांचा विकास या गावातील जनतेला झालेला आहे गावात होणाऱ्या प्रत्येक विकास कामात सर्व ग्रामपंचायत सदस्य तसेच कर्मचारी व ग्रामस्थ यांचा सहभाग असतो विकास कामाना सर्व स्तरावरुन पाठिबा असतो गावात पूर्णपणे लोकसहभागतून दारूबंदी करण्यात आली आहे. गावात मध्यठिकाणी जेष्ठ नागरिक करिता नाना-नानी स्पॉट बांधकाम करून गावातील जेष्ठ लोकांना सम्मान दिला आहे गावाचा वैभवात आणकी मानाचा तुरा म्हणजेच गावातील ग्रामदैवत श्री. संत बिहारीलाल महाराज संस्थान यासाठी ग्रामपंचायत यांच्या संयुक्त प्रयत्नातून सभागृहाचे बांधकाम करण्यात आले आहे या ठिकाणी बरेच विकास झालेली आहे व होत आहे.

एरंडगाव गावचे मुख्य व्यवसाय शेती असुन मुख्य पिक सोयाबीन व कापूस आहे गावाच्या वतीने लोक सहभाग मार्फत गावातील बिहारीलाल मंदिर, मसानभूमी विकास, नियमित पाणीपुरवठा करणे या कामी सहकार्य केले आहे गावाचे प्रमुख रस्ते हे डाबरीकरण व सिमेंटचे केले आहे गावातील मुख्य सार्वजनिक जागेवरील गटारे बंदिस्त केले आहे गावातील जि.पं. शाळेत डिजिटल दर्जेदार शिक्षण दिले जात आहे पिण्याच्या शुद्ध पाण्याचा पुरवठा करण्यात येत असुन ग्रा.पं. मार्फत पाणीपुरवठा होत आहे दोन वर्षात अंदाजे १ कोटी विकास कामे पूर्ण केलेली स्वच्छता अभियान अंतर्गत सर्व संस्था सरकारी कार्यालय,शाळा, अंगणवाडी, आरोग्य केंद्र या सर्वच ठिकाणी शौच्छालय नियमित वापर होत आहे.

“एकच ध्यास एरंडगाव गावचा सर्वांगीण विकास”